ഹരിനാമ൦ ഭാഗം :- 20

 ⚜️ഹരിനാമകീർത്തനം⚜️

🔥┈┉┅❀꧁Astro Live꧂❀┅┉┈🔥

ഭാഗം :- 20    

▬▬▬▬▬▬      

ഹരിനാമ൦

🎀🎀♾️♾️⭐♾️♾️🎀🎀

ഋതുവായ പെണ്ണിനുമിരപ്പന്നുദാഹകനും 

പതിതന്നുമഗ്നിയജനം ചെയ്ത ഭൂസുരനും 

ഹരിനാമകീർത്തനമിതൊരുനാളുമാർക്കുമുട- 

നരുതാത്തതല്ല ഹരിനാരായണായ നമ :

വിവരണം 

🎀🎀♾️♾️⭐♾️♾️🎀🎀

പെണ്ണുങ്ങളുടെ തീണ്ടായിരി ബ്രഹ്മത്തിനു ദോഷമാകുന്നു . എങ്ങനെയെന്നാൽ ദേവേന്ദ്രൻ വൃത്രാസുരനെക്കൊന്നപ്പോൾ ബ്രഹ്മഹത്യ വന്നു പിടിപെട്ടു . അതിനെ ബ്രഹ്മാവു ബൃഹസ്പതിയുടെ ഉപദേശത്താൽ നാലായിപ്പങ്കിട്ട് ഒരു ഭാഗം സ്ത്രീകളിൽ തീണ്ടായിരിയായും ഒരു ഭാഗം വൃക്ഷങ്ങളിൽ കറയായും ഒരു ഭാഗം വെള്ളത്തിൽ പതയായും ഒരു ഭാഗം ഭൂമിയിൽ ഊഷരപദേശമായും കൊടുത്തു . ഊഷരപ്രദേശമെന്നതു ഓരു സംബന്ധമായി പുല്ലുകളില്ലാത്ത പ്രദേശമാകുന്നു . സ്ത്രീകൾക്കു ഒരു ഭാഗം കൊടുത്തപ്പോൾ അവർ ഒരു വരം ചോദിച്ചു . അതു പ്രസവിക്കുന്നതുവരെ പുരുഷ സംയോഗം വേണമെന്നതാകുന്നു . ഇന്ദ്രൻ അങ്ങനെതന്നെയെന്നു വരം കൊടുത്തു . തീണ്ടായിരിക്കും ഗർഭകാലത്തു സംഗമവും മറ്റുള്ള ജന്തുക്കൾക്കൊന്നിനുമില്ല . അങ്ങനെയുള്ള തീണ്ടായിരുന്ന പെണ്ണിനും തെണ്ടി നടക്കുന്നവനും പിതൃകർമ്മം ചെയ്തിട്ടുള്ളവനും ജാതിഭ്രഷ്ടനും അഗ്നിഹോത്രം ചെയ്ത ബ്രാഹ്മണനും മറ്റെങ്ങനെയുള്ളവനും എപ്പോഴും ഏതു സമയത്തും ഭഗവന്നാമ സങ്കീർത്തനം ചെയ്യുന്നതിനു വിരോധമില്ല . അതിനാൽ ഭഗവന്നാമങ്ങളെ ഉച്ച രിപ്പാൻ സംഗതി വരുത്തണേ ! നാരായണ ! അതിനായി ഞാൻ നമസ്ക്കരിക്കുന്നു.

നാരായണായ നമഃ നാരായണായ നമഃ

നാരായണായ നമഃ നാരായണായ നമഃ

നാരായണ, സകല സന്താപനാശക, ജ-

ഗന്നാഥ വിഷ്ണു ഹരി നാരായണായ നമഃ

തുടരും........

✍ കൃഷ്ണശ്രീ 

▬▬▬▬▬▬▬▬▬▬▬▬▬▬▬

ഇത് കുട്ടികൾക്ക് അക്ഷരമുറപ്പിക്കാൻ അക്ഷരമാലാക്രമത്തിൽ രചിക്കപ്പെട്ടതാണെന്നും അതല്ല എഴുത്തച്ഛന്റെ പുത്രിക്കോ അനന്തരവൾക്കോ സന്ധ്യാസമയങ്ങളിൽ ജപിക്കുന്നതിന്‌ വേണ്ടി രചിച്ചതാണെന്നും പല ഐതിഹ്യങ്ങൾ നിലവിലുണ്ട്. എങ്കിലും അദ്ദേഹത്തിന്റെ ആദ്യകാലകൃതിയാണ്‌ ഹരിനാമകീർത്തനം എന്നു കരുതുന്നവരാണ്‌ ഭൂരിഭാഗവും.

𝒫𝓇ℯ𝓈ℯ𝓃𝓉ℯ𝒹 ℬ𝓎: 

▬▬▬▬▬▬▬▬▬▬▬▬▬▬▬▬

🔥┈┅❀꧁Astro Live꧂❀┅┉🔥

▬▬▬▬▬▬▬▬▬▬▬▬▬▬▬▬