ഹരിനാമ൦ ഭാഗം :- 23

 ⚜️ഹരിനാമകീർത്തനം⚜️

🔥┈┉┅❀꧁Astro Live꧂❀┅┉┈🔥

ഭാഗം :- 23    

▬▬▬▬▬▬      

ഹരിനാമ൦

🎀🎀♾️♾️⭐♾️♾️🎀🎀

 

നൂ(ലൂ) കാരമാദിമുതലായിട്ടു ഞാനുമിഹ 

കൈകുപ്പി വീണുടനിരക്കുന്നു നാഥനൊടു 

ഏകാന്തഭക്തിയകമേ വന്നുദിപ്പതിനു

വൈകുന്നതെന്തു ഹരിനാരായണായ നമഃ

വിവരണം 

🎀🎀♾️♾️⭐♾️♾️🎀🎀

ലുകാരം ചന്ദ്രൻ ആകുന്നു . ചന്ദ്രൻ ആദിത്യൻ , ഇന്ദ്രൻ മുതലായ എല്ലാം ഈശ്വരമയമെന്നു വിചാരിച്ച് കെ രണ്ടും തലയിന്മേൽവെച്ചു സാഷ്ടാംഗമായി വീണു നമസ്കരിച്ചിട്ട് നാഥനായ ഈശ്വരനോടു വളരെ ഇരക്കുന്നു . എന്തിനെന്നുവച്ചാൽ ഏകാന്തമായഭക്തി എന്നും പ്രാകൃതഭക്തി എന്നും രണ്ടുവിധമുണ്ട് . പ്രാകൃതഭക്തിയെന്നതു കർമ്മത്തിലുള്ള ഭക്തിയാകുന്നു . ഏകാന്തഭക്തിയെന്നത് സകലകർമ്മവും ഉപേക്ഷിച്ചു സകലവും ഈശ്വരമയമെന്ന് ഉറയ്ക്കുന്നതാണ് . അങ്ങനെയുള്ള ഏകാന്തഭക്തി എനിക്കുദിപ്പാൻ വേണ്ടി ഹരേ നാരായണ നിന്നെ ഞാൻ നമസ്കരിക്കുന്നു

പ്രപഞ്ചസാരത്തിൽ കല്പിച്ചിട്ടുള്ള അഞ്ചുവിധ പൊരുത്തങ്ങളിൽ ഒന്നെങ്കിലും ഭഗവാന്നാമ ജപത്തിനാവശ്യമില്ല ; നിശ്ചയം തന്നെ . എന്നാൽ ഭഗവാന് ഇത്രയേ നാമമുള്ളുവെന്ന് ക്ലിപ്തവുമില്ല . എത്രയോ കോടി തിരുനാമങ്ങളുണ്ട് ; ഏതൊരു തിരുനാമത്തെ ജപിച്ചാലും ഗതി ഭവിക്കുന്നതാണ് . അങ്ങനെയുള്ള ഭഗവന്നാമത്തെ ജപിപ്പാൻ സംഗതിവരുത്തണേ നാരായണ ! അതിനായി നമസ്ക്കരിക്കുന്നു

നാരായണായ നമഃ നാരായണായ നമഃ

നാരായണായ നമഃ നാരായണായ നമഃ

നാരായണ, സകല സന്താപനാശക, ജ-

ഗന്നാഥ വിഷ്ണു ഹരി നാരായണായ നമഃ

തുടരും........

✍ കൃഷ്ണശ്രീ 

▬▬▬▬▬▬▬▬▬▬▬▬▬▬▬

ഇത് കുട്ടികൾക്ക് അക്ഷരമുറപ്പിക്കാൻ അക്ഷരമാലാക്രമത്തിൽ രചിക്കപ്പെട്ടതാണെന്നും അതല്ല എഴുത്തച്ഛന്റെ പുത്രിക്കോ അനന്തരവൾക്കോ സന്ധ്യാസമയങ്ങളിൽ ജപിക്കുന്നതിന്‌ വേണ്ടി രചിച്ചതാണെന്നും പല ഐതിഹ്യങ്ങൾ നിലവിലുണ്ട്. എങ്കിലും അദ്ദേഹത്തിന്റെ ആദ്യകാലകൃതിയാണ്‌ ഹരിനാമകീർത്തനം എന്നു കരുതുന്നവരാണ്‌ ഭൂരിഭാഗവും.

𝒫𝓇ℯ𝓈ℯ𝓃𝓉ℯ𝒹 ℬ𝓎: 

▬▬▬▬▬▬▬▬▬▬▬▬▬▬▬▬

🔥┈┅❀꧁Astro Live꧂❀┅┉🔥

▬▬▬▬▬▬▬▬▬▬▬▬▬▬▬▬