Sunday, July 18, 2021

ഹരിനാമ൦ ഭാഗം :- 24

 ⚜️ഹരിനാമകീർത്തനം⚜️
🔥┈┉┅❀꧁Astro Live꧂❀┅┉┈🔥

ഭാഗം :- 24    
▬▬▬▬▬▬      

ഹരിനാമ൦
🎀🎀♾️♾️⭐♾️♾️🎀🎀
 
ഏകാന്തയോഗികളിലാകാംക്ഷകൊണ്ടു പര - - 
മേകാന്തമെന്നവഴി പോകുന്നിതെന്മനവും 
കാകൻ പറന്നു പുനരന്നങ്ങൾ പോയവഴി
പോകുന്നപോലെ ഹരിനാരായണായ നമഃ

വിവരണം 
🎀🎀♾️♾️⭐♾️♾️🎀🎀
ഏകാന്തയോഗികൾ എന്നത് പുത്രമിത്രകളത്രാദികളായ സകല പ്രപഞ്ചത്തേയും ഉപേക്ഷിച്ചും തന്നെപ്പോലെയാണ് സകല ഭൂതങ്ങളും എന്നും എല്ലാം ഈശ്വരമയമെന്നും ധരിച്ച് എല്ലാ ഭൂതങ്ങളിലും ദയവുള്ളവരായും മദമാത്സര്യഡംഭാഹങ്കാരാദികളായ ദോഷങ്ങളെ തീരെ ഉപേക്ഷിച്ചവരായും എല്ലായ്പോഴും ഭഗവല്പാദാരവിന്ദത്തെ സേവിക്കുന്നവരായും ഇരിക്കുന്ന സനകാദി മഹായോഗികളാകുന്നു . അങ്ങനെയുള്ള മഹായോഗികളുടെ മാർഗ്ഗത്തെ അനുസരിച്ച് നടക്കണമെന്നാണ് എന്റെ ആഗ്രഹം . അതിനും ഉപമ അരയന്നങ്ങൾ പറന്നുപോകുന്ന വഴിയെ ഒരു കാക്കയും പറന്നുപോകണമെന്നു ആഗ്രഹിക്കുന്നതുപോലെ എന്റെ മനസ്സും പ്രവർത്തിക്കുന്നതാകകൊണ്ടു സകലത്തെയും ഉപേക്ഷിച്ചു പരമഹംസഗതിയെ പ്രാപിക്കുന്നതിനു സംഗതിവരുത്തണേ , ഞാൻ അതിനായി നിന്നെ നമസ്കരിക്കുന്നു

നാരായണായ നമഃ നാരായണായ നമഃ
നാരായണായ നമഃ നാരായണായ നമഃ
നാരായണ, സകല സന്താപനാശക, ജ-
ഗന്നാഥ വിഷ്ണു ഹരി നാരായണായ നമഃ

തുടരും........

✍ കൃഷ്ണശ്രീ 
▬▬▬▬▬▬▬▬▬▬▬▬▬▬▬
ഇത് കുട്ടികൾക്ക് അക്ഷരമുറപ്പിക്കാൻ അക്ഷരമാലാക്രമത്തിൽ രചിക്കപ്പെട്ടതാണെന്നും അതല്ല എഴുത്തച്ഛന്റെ പുത്രിക്കോ അനന്തരവൾക്കോ സന്ധ്യാസമയങ്ങളിൽ ജപിക്കുന്നതിന്‌ വേണ്ടി രചിച്ചതാണെന്നും പല ഐതിഹ്യങ്ങൾ നിലവിലുണ്ട്. എങ്കിലും അദ്ദേഹത്തിന്റെ ആദ്യകാലകൃതിയാണ്‌ ഹരിനാമകീർത്തനം എന്നു കരുതുന്നവരാണ്‌ ഭൂരിഭാഗവും.

𝒫𝓇ℯ𝓈ℯ𝓃𝓉ℯ𝒹 ℬ𝓎: 
▬▬▬▬▬▬▬▬▬▬▬▬▬▬▬▬
🔥┈┅❀꧁Astro Live꧂❀┅┉🔥
▬▬▬▬▬▬▬▬▬▬▬▬▬▬▬▬

No comments:

Post a Comment