രാമായണ കഥകൾ ഭാഗം - 01

 ⚜️🔥രാമായണ കഥകൾ🔥⚜️

🏮┄┅•⊱𝓋𝒶𝓁𝓁𝒾𝓎𝒶𝓃𝒾𝓀𝓀𝒶𝓉𝓉𝒶𝓂𝓂𝒶⊰•┅┄🏮

ഭാഗം - 01

രാമായണമാസാരംഭം!!!

സർവതരാമനാമംജപം!!!

രാവിലെ തന്നെ മുത്തശ്ശി രാമായണം വായിക്കാൻ ഒരുങ്ങി. കുളിച്ചു, കുറിയിട്ടു, ശുഭ്രവസ്ത്രങ്ങൾ ഉടുത്ത് നിലവിളക്കിന് മുന്നിൽ ഇരുന്നു. അദ്ധ്യാത്മരാമായണം കൈയിലെടുത്തു. മനസ്സു തെളിഞ്ഞു. രാഗത്തിൽ വായന തുടങ്ങി; രാമായണ കഥ കേൾക്കാൻ പേരക്കുട്ടികൾ മുത്തശ്ശിയുടെ അടുത്ത് ചെന്നിരുന്നു. അവരോടൊപ്പം അമ്മമാരും. വായന കേൾക്കാൻ ചുറ്റും കൂടുന്നത് മുത്തശ്ശിക്ക് ഇഷ്ടമാണ്. എന്നാൽ ഒരു കുഴപ്പം. അതെന്താ? ആളുകൾ കൂടുമ്പോൾ വായനയിൽ നീട്ടലും കുറുക്കലും കൂടും. പിന്നെ എല്ലാം അവ്യക്തം. നീട്ടിമൂളിക്കൊണ്ടുള്ള വായന കേട്ട് എല്ലാവരും തലയാട്ടി. എന്തെങ്കിലും മനസിലായോ? ഇല്ല. വൈകുന്നേരം കുഞ്ഞുമക്കൾ മുത്തച്ഛന്റെ അടുത്തു ചെന്നു. മുത്തശ്ശി വായിക്കുന്ന രാമായണ കാവ്യത്തിന്റെ കഥ പറയാൻ അവർ മുത്തച്ഛനോടു ആവശ്യപ്പെട്ടു. മുത്തച്ഛൻ കുട്ടികളുടെ അമ്മമാരോടായി പറഞ്ഞു: "അമ്മമാർക്കും കഥ കേൾക്കാം." മുത്തച്ഛൻ കഥ പറയാൻ തുടങ്ങി. കുട്ടികളും അവരുടെ അമ്മമാരും കഥ കേൾക്കാൻ കാതു കൂർപ്പിച്ചിരുന്നു. അവതാര പുരുഷനായ ശ്രീരാമന്റെ കഥ ഭക്തിനിർഭരമാണ്. കേട്ടോളു... ശ്രദ്ധിച്ച് കേട്ടോളൂ... രാമായണം രാമന്റെ കഥയാണ്; സീതയുടേയും. ശ്രീരാമൻ ആരാ? മഹാവിഷ്ണുവിന്റെ അവതാരം. ദുഷ്ടനായ രാവണനെ കൊല്ലാൻ അവതാരമെടുത്തു. രാവണൻ രാക്ഷസ ചക്രവർത്തിയാണ്. ചീത്ത പ്രവർത്തികളേ ചെയ്യു. അവന്റെ ഉപദ്രവം സഹിക്കവയ്യാതെ എല്ലാവരും വലഞ്ഞു. ദിനംപ്രതി രാക്ഷസന്മാർ പെറ്റുപെരുകി. ഭൂമിയുടെ ഭാരം വർധിച്ചു. ഭൂമിദേവി തളർന്നു. സങ്കടം ആരോടു പറയും? സഹിക്കുക തന്നെ. ദിവസങ്ങൾ മാസങ്ങളും വർഷങ്ങളുമായി കടന്നുപോയി. കാര്യങ്ങൾ ബ്രഹ്മദേവനോട് പറയുകതന്നെ, ഒടുവിൽ ഭൂമിദേവി തീരുമാനിച്ചു. ബ്രഹ്മദേവൻ എല്ലാം അറിയേണ്ടവനല്ലേ? പശുവിന്റെ രൂപം ധരിച്ച് ഭൂമിദേവി ബ്രഹ്മലോകത്തേക്ക് പോയി. ബ്രഹ്മാവിനെ കണ്ടു. വിവരങ്ങൾ ഉണർത്തിച്ചു... 

  (ക്ഷമാപണം : അക്ഷരതെറ്റിന്‌)

         ◦•●◉✿ ⓋⒷⓉ ✿◉●•◦   

തുടരും..           

15-07-2021

📚 രാമായണ കഥകൾ

✍️ വിഷ്ണു, ഇടുക്കി

©️ വളളിയാനിക്കാട്ടമ്മ

𝒫𝓇ℯ𝓈ℯ𝓃𝓉ℯ𝒹 ℬ𝓎: 

▬▬▬▬▬▬▬▬▬▬▬▬▬▬▬▬

🔥┈┅❀꧁Astro Live꧂❀┅┉🔥

▬▬▬▬▬▬▬▬▬▬▬▬▬▬▬▬