⚜️രാമായണ കഥകൾ⚜️
🔥┈┉┅❀꧁Astro Live꧂❀┅┉┈🔥
ഭാഗം - 02
ഭൂമിദേവിയുടെ വാക്കുകൾ എല്ലാം ബ്രഹ്മാവ് ശ്രദ്ധിച്ചു കേട്ടു. ബ്രഹ്മാവിന് സഹായിച്ചാൽ കൊള്ളാമെന്നുണ്ട്. പക്ഷെ, എന്തുചെയ്യാൻ കഴിയും? മുമ്പ് രാവണന് വരം നൽകിയിട്ടുള്ളത് ബ്രഹ്മാവാണ്. കൊടുത്ത വരം തിരിച്ചെടുക്കാൻ കഴിയുമോ? രാവണനാണെങ്കിൽ വരം വാങ്ങി ശക്തനായിത്തീർന്നു. ബ്രഹ്മാവിന് പറ്റിയ അമളി പുറത്തുപറയാമോ? പറയാതിരിക്കുന്നതെങ്ങനെ? ഇനി രക്ഷിക്കാൻ മഹാവിഷ്ണുവിനേ കഴിയൂ. ഭഗവാൻ വഴി കണ്ടെത്താതിരിക്കില്ല. ബ്രഹ്മദേവൻ ദേവിയെ സമാധാനിപ്പിച്ചു. ഇന്ദ്രനെയും മറ്റ് എല്ലാ ദേവന്മാരേയും വരുത്തി. എല്ലാവരും ചേർന്ന് മഹാവിഷ്ണുവിനോട് സങ്കടം പറയാൻ പാലാഴിക്കടലിന്റെ തീരത്തേക്ക് തിരിച്ചു. "ലോകത്തിൽ അധർമ്മം വർധിച്ചിരിക്കുന്നു. പൊറുക്കാൻ വയ്യ. ദുഷ്ടന്മാരെ നിഗ്രഹിച്ച് രക്ഷിക്കണം." ദേവന്മാർ കടൽക്കരയിൽ നിന്ന് മഹാവിഷ്ണുവിനോട് പ്രാർഥിച്ചു. ഒരു കൂട്ടപ്രാർഥന. ലോകനന്മയ്ക്കുവേണ്ടിയുള്ള വിളിയല്ലേ? മഹാവിഷ്ണു പ്രത്യക്ഷപ്പെട്ടു: എന്തുവേണം? ദേവന്മാർക്കു സന്തോഷമായി വേണ്ടതു പറയാമല്ലോ. ഭഗവാൻ വഴികണ്ടെത്താതിരിക്കില്ല. ബ്രഹ്മദേവൻ വിഷ്ണുവിനോട് എല്ലാം വിസ്തരിച്ചു പറഞ്ഞു. "ഭഗവാനേ, രാവണൻ എന്ന ഒരു രാക്ഷസനുണ്ട് അവൻ വല്ലാതെ ഉപ്രദവിക്കുന്നു. അവൻ മൂന്നുലോകത്തും ആരേയും പൊറുപ്പിക്കുന്നില്ല. ഒരു നിലയ്ക്ക് ഞാൻ തന്നെയാണ് തെറ്റുകാരൻ. വരം കൊടുത്തപ്പോൾ ഇത്രയും വലിയ അപകടകാരിയാകുമെന്ന് കരുതിയില്ല. ഭഗവാനേ അങ്ങ് രക്ഷിക്കണം.'' ബ്രഹ്മാവിന് പറ്റിയ അമളിയോർത്ത് മഹാവിഷ്ണു ഒന്നു ചിരിച്ചു. തെറ്റുപറ്റിയത് സമ്മതിച്ചുവല്ലോ. അതുതന്നെ നല്ല കാര്യം. മഹാവിഷ്ണു ദേവന്മാരെ മാറി മാറി നോക്കി. എല്ലാവരുടെ മുഖത്തും ദുഃഖമുണ്ട്. വിഷ്ണു ഭഗവാൻ പറഞ്ഞു "തിടുക്കം അരുത് ബ്രഹ്മദേവ! എടുത്തുചാട്ടം പാടില്ല. അത് ആപത്തേ വരുത്തു. രാവണൻ നിസ്സാരനല്ല. വരബലം കൊണ്ട് ശക്തനാണ്". പണ്ട് കശ്യപമഹർഷി മഹാവിഷ്ണുവിനെ തപസ്സുചെയ്തു. കഠിനതപസ്സാകയാൽ വരം കൊടുക്കാതിരിക്കാൻ കഴിഞ്ഞില്ല. എന്തായിരുന്നു വരം ചോദിച്ചതെന്നോ? മഹർഷിയുടെ മകനായി മഹാവിഷ്ണു പിറക്കണം. വല്ലാത്ത മോഹം തന്നെയല്ലേ? അന്ന് നൽകിയ വരം രാവണനുനേരെ പ്രയോഗിക്കാം. ഭഗവാൻ തീരുമാനിച്ചു. ദേവന്മാരെ രക്ഷിക്കാതിരിക്കാൻ കഴിയില്ലല്ലോ..
(ക്ഷമാപണം : അക്ഷരതെറ്റിന്‌)
◦•●◉✿ ⓋⒷⓉ ✿◉●•◦
തുടരും..
16-07-2021
📚 രാമായണ കഥകൾ
✍️ വിഷ്ണു, ഇടുക്കി
©️ വളളിയാനിക്കാട്ടമ്മ
𝒫𝓇ℯ𝓈ℯ𝓃𝓉ℯ𝒹 ℬ𝓎:
▬▬▬▬▬▬▬▬▬▬▬▬▬▬▬▬
🔥┈┅❀꧁Astro Live꧂❀┅┉🔥
▬▬▬▬▬▬▬▬▬▬▬▬▬▬▬▬
No comments:
Post a Comment