⚜️രാമായണ കഥകൾ⚜️
🔥┈┉┅❀꧁Astro Live꧂❀┅┉┈🔥
ഭാഗം - 03
വിഷ്ണു പറഞ്ഞു "ഉത്തരകോസലം എന്ന ഒരു രാജ്യമുണ്ട്. പ്രസിദ്ധമായ അയോദ്ധ്യയാണ് അതിന്റെ തലസ്ഥാനം. കശ്യപമഹർഷി അവിടെ ദശരഥ രാജാവായി ജനിച്ചു. പ്രജാവത്സലനാണ്. ധർമിഷ്ഠനാണ് സൽഭരണം കാഴ്ചവെച്ചു. സർവരും പുകഴ്ത്തി. എന്നാൽ പൂർവജന്മത്തെക്കുറിച്ചൊന്നും ആർക്കും അറിഞ്ഞുകൂടാ. ദശരഥമഹാരാജാവ് കുട്ടികൾ ഉണ്ടാവാത്തതിലുള്ള ദുഃഖം അനുഭവിക്കുന്ന കാലം. പരിഹാരം കണ്ടെത്താൻ ആർക്കും കഴിയുന്നില്ല. ദശരഥരാജാവിന്റെ പുത്രനായി കൗസല്യരാജ്ഞിയിൽ അവതരിക്കാം. ദശരഥന്റെ മറ്റു രാജ്ഞിമാരിൽ അനുജന്മാരും പിറക്കും. അടുത്താണ് ജനകരാജ്യം. അവിടെ ലക്ഷ്മീദേവിയും ജനിക്കും. ദേവിയോടൊപ്പം ചേർന്ന് വേണ്ടതു ചെയ്തുകൊള്ളാം." ദേവന്മാർ മഹാവിഷ്ണുവിന്റെ അവതാരരഹസ്യം കേട്ട് സന്തോഷിച്ചു. രാക്ഷസന്മാരെ അമർച്ചചെയ്യാൻ ബ്രഹ്മാവ് സർവവിധ സഹായവും വാഗ്ദാനം ചെയ്തു. അപ്പോൾ മഹാവിഷ്ണു ആവശ്യപ്പെട്ടത് എന്താണെന്നോ!! ദേവന്മാരെല്ലാം വാനരന്മാരായി ജനിക്കണം. വാനരന്മാരെ രാവണയുദ്ധത്തിന് ആവശ്യമാണ്. എന്നിട്ട്?!! കുട്ടികൾക്ക് ആകാംഷയേറി. മുത്തശ്ശൻ തുടർന്നു.. മഹാവിഷ്ണുവിന്റെ ആവശ്യം ദേവന്മാർക്ക് സ്വീകരിക്കാതിരിക്കാൻ പറ്റുമോ!!!. നന്മയ്ക്കുള്ളതല്ലേ? ആർക്കും ഇഷ്ടക്കേട് തോന്നിയില്ല. എല്ലാവരും സമ്മതിച്ചു. അപ്പോൾ തന്നെ മഹാവിഷ്ണു അപ്രത്യക്ഷനായി. അങ്ങിനെ സന്തോഷത്തോടെ എല്ലാവരും മടങ്ങി. മഹാവിഷ്ണു എടുത്തു ചാടുന്നവനല്ല. വളരെ ആലോചിച്ച് തീരുമാനം എടുക്കുന്നവനാണ്. അതുകൊണ്ട് തന്നെ ദേവന്മാരെല്ലാം വളരെ പെട്ടന്ന് തന്നെ വാനരന്മാരായി പിറന്നു. കരുത്തന്മാർ, തന്ത്രശാലികൾ, നേതാക്കന്മാർ, വില്ലാളികൾ, സൈന്യാധിപന്മാർ, പടയാളികൾ, എല്ലാവിഭാഗത്തിൽ പെടാനും യോഗ്യരായവരുണ്ട്. ദശരഥമഹാരാജാവിന് സന്താന സൗഭാഗ്യം ഉണ്ടാകണം. എങ്കിലല്ലേ ഭഗവാന് അവതരിക്കാൻ അവസരമുണ്ടാകു. കുലഗുരു വസിഷ്ഠനും വേദപണ്ഡിതന്മാരും ഋഷിശ്രേഷ്ഠന്മാരും അയോദ്ധ്യയിൽ തിരക്കിട്ട് ആലോചന തുടങ്ങി. പുത്രസൗഭാഗ്യത്തിനുള്ള യാഗം പുത്രകാമേഷ്ടിയാണ്. തപോനിധിയായ ഋശ്യശൃംഗന്റെ നേതൃത്വത്തിൽ മഹായാഗത്തിന് രൂപംനൽകി. നാലുപുത്രന്മാർ ജനിക്കാനുള്ള യോഗം കാണുന്നു. വസിഷ്ഠമഹർഷി ദശരഥനെ സമാധാനിപ്പിച്ചു: യജ്ഞാവസാനം തീർച്ചയായും ഫലം കാണും...
(ക്ഷമാപണം : അക്ഷരതെറ്റിന്‌)
◦•●◉✿ ⓋⒷⓉ ✿◉●•◦
തുടരും..
17-07-2021
📚 രാമായണ കഥകൾ
✍️ വിഷ്ണു, ഇടുക്കി
©️ വളളിയാനിക്കാട്ടമ്മ
𝒫𝓇ℯ𝓈ℯ𝓃𝓉ℯ𝒹 ℬ𝓎:
▬▬▬▬▬▬▬▬▬▬▬▬▬▬▬▬
🔥┈┅❀꧁Astro Live꧂❀┅┉🔥
▬▬▬▬▬▬▬▬▬▬▬▬▬▬▬▬
No comments:
Post a Comment