അദ്ധ്യാത്മ രാമായണം രണ്ടാം ദിവസം

⚜️അദ്ധ്യാത്മ രാമായണം⚜️

🔥┈┉┅❀꧁Astro Live꧂❀┅┉┈🔥

രണ്ടാം ദിവസം    

▬▬▬▬▬▬      

 

കൈലാസനാഥനായ ശിവ ഭഗവാനോട് പാർവ്വതി ദേവി   ചോദിച്ചു. " അല്ലയോ ജഗന്നിവാസാ! യാതൊരു ജ്ഞാനം കൊണ്ടാണോ ജനങ്ങൾ സംസാരസാഗരം  തരണം ചെയ്യുന്നത്,  ഭക്തിവിജ്ഞാന വൈരാഗ്യയുക്തമായ, അത്യന്തം ഗോപ്യവും അതുല്യവും മഹാനുഭവന്മാരായ ഭക്തന്മാരാൽ പുകഴ്ത്തപ്പെടുന്നതും സനാതനവുമായ വിഷ്ണുതത്വം ഭഗവാൻ എനിക്ക് ഉപദേശിച്ചു തന്നാലും

ഇതിനു മറുപടിയായി  ദേവിയുടെ ഭക്തി കണ്ടറിഞ്ഞ ഭഗവാൻ ദേവിക്ക് ശ്രീരാമ തത്വത്തെ ഉപദേശിക്കുന്നു.  ശ്രീരാമൻ പരമാത്മാവും സൃഷ്ടിക്കും ആദിയിലുളളവനും ആനന്ദനിധിയും അദ്വിതീയനും പുരുഷോത്തമനുമാണ്. അദ്ദേഹം സ്വയം മായയാൽ ഈ പ്രപഞ്ചം മുഴുവൻ സൃഷ്ടിച്ച് ആകാശമെന്നതുപോലെ അതിന്റെ അന്തർഭാഗത്തും ബഹിർഭാഗത്തും സ്ഥിതി ചെയ്യുന്നു. അജ്ഞാനികൾ മായയാൽ പരമാത്മാവിനെ അറിയാതെ ലൗകികതയിൽ ജീവിക്കുന്നു. അങ്ങനെയുളള ഭഗവാന്റെ  എത്രയും ഗുഹ്യവും മാഹാത്മ്യമുറ്റതുമായ തത്വം,  അദ്ധ്യാത്മരാമായണം ശ്രീരാമനാൽ തന്നെ അരുളിചെയ്യപ്പെട്ടത് ശിവഭഗവാൻ ദേവി പാർവ്വതിക്ക് പറഞ്ഞു കൊടുക്കുന്നു

രാവണാദി രാക്ഷസന്മാരെ കൊണ്ടു  ദുഃഖിതയായ ഭൂമിദേവി , ഗോരൂപത്തെ ധരിച്ച് ദേവന്മാരോടും മുനിമാരോടുമൊത്ത് ബ്രഹ്മാവിന്റെ സമീപത്ത് ചെന്നു തന്റെ വ്യസനം അദ്ദേഹത്തെ അറിയിച്ചു. ബ്രഹ്മാവ് അല്പനേരം ധ്യാനനിരതാനായിരുന്നിട്ട് ഭൂമിദേവിയുടെ  ദുഃഖ പരിഹാരാർത്ഥം എല്ലാ ദേവഗണങ്ങളും മുനിമാരും ശിവ ഭഗവാനുമായി  ക്ഷീരസാഗരത്തിലെത്തി സാക്ഷാൽ വൈകുണ്ഠനാദനെ സ്തുതിച്ചു തുടങ്ങി.  സംപ്രീതനായ ഭഗവാൻ പ്രത്യക്ഷനായി ബ്രഹ്മാവിനോട് തന്നെ കൊണ്ട് എന്താണ് കാര്യമായിട്ടുളളതെന്ന് ചോദിച്ചു.  പൗലസ്ത്യതനയനും രാക്ഷസ രാജാവുമായ രാവണൻ മനുഷ്യനാൽ മാത്രമേ മരണമുളളൂ എന്ന് തന്നിൽ ( ബ്രഹ്മാവ് ) നിന്നും വരം നേടി , ലഭിച്ച വരങ്ങളിൽ ദർപ്പിതനായി ത്രൈലോക്യങ്ങളെയും പീഡിപ്പിച്ചു കൊണ്ട് ലോകപാലകന്മാരെയും ദ്രോഹിക്കുന്നു എന്നറിയിച്ചു.  അതിനാൽ ഭഗവാൻ മനുഷ്യനായി അവതരിച്ച് ആ ദേവശത്രുവിനെ സംഹരിക്കണമെന്ന് ആവശ്യപ്പെട്ടു

തപസ്സു കൊണ്ട് ഭഗവാനേ സന്തോഷിപ്പിച്ച കശ്യപമഹർഷി , ഭഗവാൻ പുത്രനായി ജനിക്കണമെന്ന് വരം വാങ്ങിയിരുന്നു. അദ്ദേഹം ഇപ്പോൾ ഭൂമിയിൽ ദശരഥനെന്ന പേരിൽ രാജാവായി ഇരിക്കുന്നണ്ടന്നും അദ്ദേഹത്തിന്റെ പത്നിയായ കൗസല്യദേവിയിലും മറ്റു പത്നിമാരിലുമായി നാല് അംശമായി പുത്രഭാവത്തിൽ ജനിക്കുമെന്നും ജനകരാജവിന്റെ ഗ്രഹത്തിൽ സീതയായി യോഗമായ ആവിർഭവിക്കുമെന്നും ഭഗവാൻ അരുളി ചെയ്തു. രാവണ നിഗ്രഹം നടത്തി ഭൂഭാരം കുറയ്ക്കുമെന്നും ഭഗവാൻ അരുളി ചെയ്തു

അനന്തരം ബ്രഹ്മാവ് ദേവന്മാരോട്   മഹാവിഷ്ണു മനുഷ്യനായി രഘുകുലത്തിൽ അവതരിക്കുമ്പോൾ ദേവന്മാർ സ്വാംശങ്ങളാൽ വനാരവംശത്തിൽ പുത്രന്മാരെ ഉല്പാദിപ്പിച്ച് ഭഗവാൻ ഭൂമിയിൽ ഇരിക്കുന്ന കാലത്തോളം സഹായം ചെയ്യേണ്ടതാണ് എന്ന് പറഞ്ഞു. അതിനുശേഷം അദ്ദേഹം ഭൂമിദേവിയെ സമാശ്വസിപ്പിച്ചു. ദേവന്മാർ വാനരരൂപികളായി ജനിച്ച്,  ഭഗവാന്റെ അവതാരം പ്രതീക്ഷിച്ചു കൊണ്ട് ലോകത്തെമ്പാടുമുളള ഗിരികാനനങ്ങളിൽ വാസമുറപ്പിച്ചു

തുടരും ....

✍ കൃഷ്ണശ്രീ 

𝒫𝓇ℯ𝓈ℯ𝓃𝓉ℯ𝒹 ℬ𝓎: 

▬▬▬▬▬▬▬▬▬▬▬▬▬▬▬▬

🔥┈┅❀꧁Astro Live꧂❀┅┉🔥

▬▬▬▬▬▬▬▬▬▬▬▬▬▬▬▬