ഹരിനാമ൦ ഭാഗം :- 22

⚜️ഹരിനാമകീർത്തനം⚜️

🔥┈┉┅❀꧁Astro Live꧂❀┅┉┈🔥

ഭാഗം :- 22    

▬▬▬▬▬▬      

ഹരിനാമ൦

🎀🎀♾️♾️⭐♾️♾️🎀🎀

 

(നു ) സ്മാദിചേർത്തൊരു പൊരുത്തം നിനയ്ക്കിലുമി 

തജിതന്റെ നാമഗുണമതിനിങ്ങു വേണ്ട ദൃഢം 

ഒരു കോടി കോടി തവ തിരുനാമമുള്ളവയി- 

ലരുതാത്തതില്ല ഹരിനാരായണായ നമഃ

വിവരണം 

🎀🎀♾️♾️⭐♾️♾️🎀🎀

( നു ) ലുസ്മാദി എന്നു കാണുന്നതു അബദ്ധം ; ( നു ) ലു ഝമാദി എന്നാകുന്നു . അതു സിദ്ധാരികോഷ്ഠത്തിൽ ഒരു ഭാഗമാകുന്നു . എങ്ങനെയെന്നാൽ നെടുകെയും കീഴ്മേലായും അയ്യഞ്ചു വരയ്ക്കുമ്പോൾ പതിനാറു കോഷ്ഠമാകും . അതിനെ നന്നാലായി ഭാഗിക്ക അതിൽ മുമ്പിലത്തെ  നാലു സിദ്ധൻ അല്ലാ ബന്ധുകം ;  പിന്നത്തെ നാലു സേവകൻ അല്ലാ സാദ്ധ്യൻ ; താഴത്തേതിൽ മുമ്പിലത്തെ  നാലു സ്വസിദ്ധൻ അല്ല പോഷകം ; പിന്നത്തെ നാലു അരിയല്ലാ ഘാതകം -  ഇങ്ങനെയുള്ള പതിനാറു ഖണ്ഡങ്ങളിലും വിധിപോലെ അമ്പത്തൊന്നക്ഷരങ്ങളെ അടക്കണം . ഇതിൽ പൊരുത്തം നോക്കേണ്ടത് തന്റെ പേരിന്റെ ആദ്യക്ഷരം മുൻവിവരിച്ച ഏതു നാലു ഖണ്ഡങ്ങളിൽ ഒന്നിൽ വരുന്നുവോ ആ  നാലുഖണ്ഡം തൊട്ടു സിദ്ധൻ സാദ്ധ്യൻ സ്വസിദ്ധൻ അരി എന്ന് എണ്ണണം . മന്ത്രത്തിന്റെ ആദ്യക്ഷരം ഈ നാലു ഖണ്ഡങ്ങളിൽ ഏതിലാണ് വരുന്നതെന്ന് നോക്കണം . അതു സിദ്ധനിലോ സാദ്ധ്യനിലോ വന്നാൽ മദ്ധ്യമം . സ്വസിദ്ധനിലയാൽ ഉത്തമം . അരിയിലായാൽ അധമം എന്നാൽ ഓരോ നാലു ഖണ്ഡത്തിലും സിദ്ധൻ , സാദ്ധ്യൻ , സ്വസിദ്ധൻ അരി യെന്നു കൂടി എണ്ണിനോക്കി പൊരുത്തം അറിയണം

പ്രപഞ്ചസാരത്തിൽ കല്പിച്ചിട്ടുള്ള അഞ്ചുവിധ പൊരുത്തങ്ങളിൽ ഒന്നെങ്കിലും ഭഗവാന്നാമജപത്തിനാവശ്യമില്ല ; നിശ്ചയം തന്നെ . എന്നാൽ ഭഗവാന് ഇത്രയേ നാമമുള്ളുവെന്ന് ക്ലിപ്തവുമില്ല . എത്രയോ കോടി തിരുനാമങ്ങളുണ്ട് ; ഏതൊരു തിരുനാമത്തെ ജപിച്ചാലും ഗതി ഭവിക്കുന്നതാണ് . അങ്ങനെയുള്ള ഭഗവന്നാമത്തെ ജപിപ്പാൻ സംഗതിവരുത്തണേ നാരായണ ! അതിനായി നമസ്ക്കരിക്കുന്നു

നാരായണായ നമഃ നാരായണായ നമഃ

നാരായണായ നമഃ നാരായണായ നമഃ

നാരായണ, സകല സന്താപനാശക, ജ-

ഗന്നാഥ വിഷ്ണു ഹരി നാരായണായ നമഃ

തുടരും........

✍ കൃഷ്ണശ്രീ 

▬▬▬▬▬▬▬▬▬▬▬▬▬▬▬

ഇത് കുട്ടികൾക്ക് അക്ഷരമുറപ്പിക്കാൻ അക്ഷരമാലാക്രമത്തിൽ രചിക്കപ്പെട്ടതാണെന്നും അതല്ല എഴുത്തച്ഛന്റെ പുത്രിക്കോ അനന്തരവൾക്കോ സന്ധ്യാസമയങ്ങളിൽ ജപിക്കുന്നതിന്‌ വേണ്ടി രചിച്ചതാണെന്നും പല ഐതിഹ്യങ്ങൾ നിലവിലുണ്ട്. എങ്കിലും അദ്ദേഹത്തിന്റെ ആദ്യകാലകൃതിയാണ്‌ ഹരിനാമകീർത്തനം എന്നു കരുതുന്നവരാണ്‌ ഭൂരിഭാഗവും.

𝒫𝓇ℯ𝓈ℯ𝓃𝓉ℯ𝒹 ℬ𝓎: 

▬▬▬▬▬▬▬▬▬▬▬▬▬▬▬▬

🔥┈┅❀꧁Astro Live꧂❀┅┉🔥

▬▬▬▬▬▬▬▬▬▬▬▬▬▬▬▬