ഗണാഷ്ടകം

 ⚜ഗണാഷ്ടകം⚜ 

🔥┈┉┅❀꧁Astro Live꧂❀┅┉┈🔥

1. ഏകദന്തം മഹാകായം

തപ്തകാഞ്ചന സന്നിഭം

ലംബോദരം വിശാലാക്ഷം

വന്ദേ ഹം ഗണനായകം

(അർഥം: ഏകദന്തനും മഹാ ശരീരിയും കാച്ചിയ തങ്കത്തിന് സമാനമായ പ്രകാശമുള്ളവനും വലിയ ഉദരത്തോടുകൂടിയവനും വിശാല നയനങ്ങളോടുകൂടിയവനും ഭൂതഗണങ്ങള്ക്കധിപതിയുമായ ശ്രീ മഹാഗണപതിയെ ഞാനിതാ നമസ്ക്കരിക്കുന്നു.)

2. മൗഞ്ജീ കൃഷ്ണാ ജിനധരം

നാഗയജ്ഞോപവീതിനം

ബാലേന്ദു വിലസന്മൌലിം

വന്ദേ ഹം ഗണനായകം

(അര്ഥം: മുഞ്ഞപ്പുല്ല്, കൃഷ്ണാജിനം എന്നിവ ധരിച്ചവനും സര്പ്പത്തെ പൂണുലായി ധരിച്ചവനും ശിരസ്സില് ബാലചന്ദ്രൻ പ്രകാശിക്കുന്നവനും ഭൂതഗണങ്ങൾക്കധിപതിയുമായ ശ്രീ മഹാഗണപതിയെ ഞാനിതാ നമസ്ക്കരിക്കുന്നു.)

3. അംബികാ ഹൃദയാനന്ദം

മാതൃഭിഃ പരിപാലിതം

ഭക്തപ്രിയം മദോന്മത്തം

വന്ദേ ഹം ഗണനായകം

(അർഥം: അമ്മയായ പാർവ്വതീ ദേവിയുടെ ഹൃദയത്തിനാനന്ദമരുളുന്നവനും, സപ്ത മാതൃഗണങ്ങളാൽ രക്ഷിക്കപ്പെട്ടവനും ഭക്തന്മാരോട് വാത്സല്യമുള്ളവനും മദോന്മത്തനും ഭൂതഗണങ്ങൾക്കധിപനുമായ ശ്രീ മഹാഗണപതിയെ ഞാനിതാ നമസ്ക്കരിക്കുന്നു.)

4. ചിത്രരത്ന വിചിത്രാംഗം

ചിത്രമാലാ വിഭൂഷിതം

ചിത്രരൂപ ധരം ദേവം

വന്ദേ ഹം ഗണനായകം

(അർഥം: പലവിധം രത്നങ്ങളാൽ അലംകൃതമായ ശരീരത്തോടും നാനാതരം ഹാരങ്ങളാൽ അലംകൃതനും വിചിത്രങ്ങളായ രൂപങ്ങളെ ധരിച്ചിരിക്കുന്നവനും ദേവനും ഭൂതഗണങ്ങൾക്കധിപനുമായ ശ്രീ മഹാഗണപതിയെ ഞാനിതാ നമസ്ക്കരിക്കുന്നു.)

5. ഗജവക്ത്രം സുരശ്രേഷ്ഠം

കർണ്ണ ചാമര ഭൂഷിതം

പാശാങ്കുശ ധരം ദേവം

വന്ദേ ഹം ഗണനായകം

(അർഥം: ഗജത്തിന്റെ മുഖത്തോടു കൂടിയവനും, ദേവതകളിൽ ശ്രേഷ്ഠനും ചെവികളാകുന്ന ചാമരങ്ങളാൽ അലംകൃതനും പാശവും അങ്കുശവും ധരിച്ചിരിക്കുന്നവനുമായ ദേവനും ഭൂതഗണങ്ങൾക്കധിപനുമായ ശ്രീ മഹാഗണപതിയെ ഞാനിതാ നമസ്ക്കരിക്കുന്നു.)

6. മൂഷികോത്തമ മാരൂഹ്യ

ദേവാസുര മഹാവിവേ

യോദ്ധൂ കാമം മഹാവീര്യം

വന്ദേ ഹം ഗണനായകം

(അർഥം: ദേവാസുര യുദ്ധത്തിൽ മൂഷികോത്തമനെ വാഹനമാക്കിക്കൊണ്ട് യുദ്ധം ചെയ്തവനും മഹാ പരാക്രമിയും ഭൂതഗണങ്ങള്ക്കധിപനുമായ ശ്രീ മഹാഗണപതിയെ ഞാനിതാ നമസ്ക്കരിക്കുന്നു.)

7. യക്ഷകിന്നര ഗന്ധര്വ്വ

സിദ്ധ വിദ്യാധരൈർസ്സദാ

സ്തൂയമാനം മഹാത്മാനം

വന്ദേ ഹം ഗണനായകം

(അർഥം: യക്ഷ കിന്നര ഗന്ധർവ്വ സിദ്ധ വിദ്യാധരാദികളാൽ സദാ സ്തുതിക്കപ്പെടുന്നവനും മഹാത്മാവും ഭൂതഗണങ്ങൾക്കധിപനുമായ ശ്രീ മഹാഗണപതിയെ ഞാനിതാ നമസ്ക്കരിക്കുന്നു.)

8. സർവ്വ വിഘ്ന ഹരം ദേവം

സർവ്വവിഘ്ന വിവർജ്ജിതം

സർവ്വ സിദ്ധി പ്രദാതാരം

വന്ദേ ഹം ഗണനായകം

(അർത്ഥം: സർവ്വ വിഘ്നങ്ങളേയും ഉണ്ടാക്കുന്നവനും, ദേവനും, സർവ്വ വിഘ്നങ്ങളേയും ഒഴിവാക്കുന്നവനും, സർവ്വ സിദ്ധികളേയും നൽകുന്നവനും, ഭൂതഗണങ്ങക്കധിപനുമായ ശ്രീ മഹാഗണപതിയെ ഞാനിതാ നമസ്ക്കരിക്കുന്നു.)

ഫലശ്രുതി:

ഗണാഷ്ടക മിദം പുണ്യം

ഭക്തിതോയഃ പഠേന്നരഃ

വിമുക്ത സർവ്വ പാപേഭ്യോ

രുദ്ര ലോകം സ ഗഛതി

(അർഥം: പുണ്യകരമായ ഈ ഗണാഷ്ടകം ഭക്തിയോടുകൂടി ആരാണോ പഠിക്കുന്നത്, അവർ സർവ്വ പാപങ്ങളിൽ നിന്നു മുക്തരായി ശ്രീ കൈലാസത്തിൽ രുദ്രലോകത്തിൽ എത്തിച്ചേരും.)

🔱🔱🔥🅥🔥🅑🔥🅣🔥🔱🔱

═══════════════

🔥ⒶⓈⓉⓇⓄ🔥 ⓁⒾⓋⒺ🔥